ББЖМ ТАПСЫРМАЛАРЫ БОЙЫНША МАТЕМАТИКА ПӘНІНІҢ ОҚУ МАҚСАТТАРЫ

ББЖМ ТАПСЫРМАЛАРЫ БОЙЫНША МАТЕМАТИКА ПӘНІНІҢ ОҚУ МАҚСАТТАРЫ

       Шымкент қаласының Әдістемелік орталығы жылдық жұмыс жоспарына сәйкес, «Математиканы оқыту әдістемесін жетілдірудің жаңа бағыттары» тақырыбында математика пәні педагогтеріне арналған қалалық оқыту семинары өтті. 

        Мақсаты: Білім алушылардың математикалық сауаттылығын қалыптастыруға бағытталған теориялық, практикалық білімдер мен әдістемелік ұсынымдар беру.

         Семинарда орталық әдіскері Алтынай Кисабекова «Математикалық сауаттылық мазмұны: Пәндік білім, білік және дағдылар»  тақырыбында баяндама оқып, математика пәнін оқытуда базалық білімді меңгерте отырып, оқушының логикалық ойлау қабілетін дамыту жолдарын ұсынды. Қолданбалы есептерді шығаруда жүргізілетін практикалық жұмыстар көрсетті.

 №64 мектеп-гимназиясының  математика пәні мұғалімі Н.М.Нарбекова «Оқу мақсаттарына сәйкес математикадан ББЖМ тапсырмаларындағы еркшеліктер» тақырыбын тарқатты. Өз тәжірибесінен оқушыларға қиын соғатын есептерді шығарудың оңай жолдарын ұсына отырып, оқу мақсаттары бойынша ББЖМ тапсырмаларындағы ерекшеліктерді мысалдар арқылы баяндады. 

 Семинар соңында кері байланыс орнатылып, сұрақтарға жауап берілді.