Жеңіс күні

Жеңіс күні. Бұл күн аналарымыздың көз жасымен, батырларымыздың ұлы ерлігімен келген, ел болып зарыға күткен күн. Бұл күн - парыз бен намысты алға қойып, елі мен жерінің бостандығы үшін жан аямай қара ниет жауға төтеп берген, табанды да, қайсар мінезді жауынгерлеріміздің және тылда тынымсыз еңбек еткен ағаларымыз бен апаларымыздың ерен ерлігінің мерекесі. Батырларымыздың арын - байрақ, намысын найза етіп, Отаны мен елі үшін оқ болып атылған күні. Біздер, бізден кейінгі ұрпақ бұл соғыстағы жанкешті ерліктеріңізді ұмытпақ емес. Сіздердің қаһарман тұлғаларыңыз бен қайсар бейнелеріңіз келер ұрпаққа үлгі болмақ.
Қадірлі соғыс ардагерлері мен тыл еңбеккерлері! Сіздерді Ұлы Жеңістің 75 жылдығымен шын жүректен құттықтаймын. Дендеріңізге саулық, отбасыларыңызға амандық және бейбіт өмір тілеймін! Құрметпен мектеп - гимназия директоры Гульхан Тұрсыметқызы.